凡事講証據。對於流言，本店一向都採取放任政策，清者自清，相信做得好嘅，自然慢慢平息但係睇嚟唔係咁。
真心邊有咁多海天，同埋走得去邊。返大陸？生活費？錢呢？咁後半人生點樣生活？明白啱啱過去一年我自己本人私生活係出晒問題入醫院，腎臟末期全部有晒證據，亦都與你哋無關。你可以話我博同情亦都冇強求一定要你哋同情。
自問喺玩具界從來冇乜影響力細有細做生意一買一賣，其實啱嘅夾到既咪幫襯囉。唔啱覺得可疑嘅咪別過囉。問。
但係你哋嘅走佬言論呢，有冇證據啊。真係收咗貨有問題嘅你咪同我哋講返聲囉，相信呢度冇人係冇做錯過嘢，返工又好人生又好，如果你人生係一帆風順嘅話就更加高抬貴手。生活艱難我都係自己努力搵方法生活落去。我退款派貨全部有證據，係遲，但亦有事先講明。相反你哋走佬言論又有邊幾個係有證據。麻煩已經拎咗貨或退款嘅，即係件事平息左啦，平息就無謂插手。覺得有問題嘅咪提出呢，我退返俾你交返俾唔介意嘅客戶。冇幫襯過嘅就出句聲，我真係唔知幾時得罪你。我只能講聲抱歉。
現在情況混亂，麻煩搵我嘅交齊資料未發售嘅，請不要恐慌，做嘢係慢，但係一定唔會走囉。最後都係嗰句啱嘅幫襯，唔啱嘅社會自然會淘汰我。我哋係要解決問題，唔係製造更加多嘅混亂。麻煩無意中得罪咗嘅師兄放過我
